Интервју со бркот

(By Roger Mortis, 269/149)
Експерименталниот медиум беше ставен во пробна употреба преку потрага низ време-простор широчините на мултиверзумот. Клучни поими при пребарувањето беа `лудило`, `диктатор`, `мегаломанија`, `геноцид` и `смешно`.
Веднаш се појавија неколку илјади резултати на пребарувањето но на самиот врв беа неколку забележителни ентитети на некакви ликови со бркови. Медиумот се активира преку иницирање на првиот избор, а тоа го одведе на едно чудно, суморно место.

Сценографијата беше едноставна, да не кажам спартанска.
Тесна соба, црвено знаме со свастика на ѕидот, неколку листа хартија, пенкало и привезок со двојно рунско С.
Новиот дигитален спиритуален медиум кој има способност да се пробие до една од многуте паралелни димензии конечно успеа да воспостави врска со хер А.Шиклгрубер.
Холографската проекција прикажува запечено нервозно човече со фризура на патец и смешен брк.

Медиумот се обрати со зборовите - `Господине Шиклгрубер, ве молам претставете се пред нашата публика, кој сте вие како би се опишале себеси`?

А.Шиклгрубер - `Ухм...тешко прашање. Да видиме...Јас сум спасител на Ариевската раса, Фирер на илјадагодишниот германски Рајх а би рекол и влажен сон на секоја плавокоса и плавоока германка на возраст над 14 години. Без сомнение јас сум најважниот човек што било кога се родил или ќе се роди.
За да биде појасно, мора нешто да напоменам уште на старт. Нешто можеби и пропуштив, понекогаш заборавам ствари, фала му на Борман што успеа да ме аплоудира на време на хард диск и да ме изнесе од Берлин.`

Медиумот - `Верувам дека нема да ви смета ако веднаш преминеме кон главното, дали знаете дека сте сметан за најзлобниот човек кој било кога постоел?

А.Шиклгрубер - `Знам, ми кажа еднаш Хјустон Стјуарт Чемберлен кога се видовме тука. Тоа се само злобни муабети кои ги вадат клетите гнасни евреишта, јас не сум злобен и не мразам народи туку сметам дека има ред меѓу народите, хиерархија да речеме. На врвот се Ариевците, нормално...и нивна судбина е да го раководат и владеат светот. Кој ќе владее инаку, французите? Русите?`

Медиумот - `Не мислите дека се работи за едноставна психолошка обратна проекција каде што од сопствените физички недостатоци преку фантазирање се појавуваат тези за постоење на...`

А.Шиклгрубер - `Не, не, морам да ве прекинам, вакви глупости последен пат слушав од Ланц фон Либенфелс. Гледам дека не сте запознаени со моите идеи, некои народи едноставно немаат друга цел освен да служат на Ариевската раса. Ако не им одговара местото кое природата им го наменила, можат да пробаат да се борат против природниот ред и на крајот ќе изумрат. Тоа е тоа.`

Медиумот - `Ќе се обидам да го насочам разговорот кон вашата личност. Надвор од се, како го исполнувате своето слободно време?`

А.Шиклгрубер - `Не ми останува многу слободно време, во паузата помеѓу градењето на четвртиот Рајх тука, на Антарктик и пишувањето мемоари понекогаш се релаксирам со чаша кефир или амфетаминче, мислам дека сега вие младите тоа го нарекувате Спид или Кристал мет. Барем така ми кажа Карл Хаусхофер. А тој никогаш не ме лаже.
Откако воведовме интернет на Антарктикот, одвреме навреме читам по нешто и на овие новите сајтови, блогови ли ги викаат...како и да е, има интересни мислења таму! Но има и глупости, типичен пример за дегенеративна кратка литература е блогот Y GENERATION, посебно ме иритираат блог-постови од еден тип кој цело време нешто блада, го исмева нашиот свет Рајх и семејните вредности на новата Раса.
Сигурно е некое ционистичко ѓубре...

Медиумот - `Знаеме дека сте човек кој честопати патувал и запознавал нови луѓе. Познато ни е и дека сте голем љубител на животните, растителната исхрана и жените. Што би кажале за жената како биолошки створ?`

А.Шиклгрубер - `Жената е мајка. Жената е сопруга. Надвор од тоа жената не постои. А за мене постои само Ева, непрежалената моја љубов која Борман за жал не успеа да ја префрли на хард диск. Но не губам надеж, Гестапо, Абвер и Аненербе се во потрага по драгиот доктор Широ Иши, талентиран јапонски генетичар како што кажуваат. Егзистирам во надеж дека ќе успее да ја клонира Ева.

Медиумот - `Дали сеуште гаите надеж во воскресение на Рајхот?

А.Шиклгрубер - `Не се работи за надеж, Четвртиот Рајх веќе постои, под наша контрола е цел еден континент кој порано се викаше Антарктик а сега се вика Нова Германија. Таму во подземните бази, милиони плодни жени постојано се оплодуваат од мала но домољубно напалена група Ариевци и Алберт Шпер ме убедува дека до 2039-та ќе имаме доволно млади војници кои ќе тргнат во освојување на светот.
Добро, имаме мали проблеми со пигментацијата, некако веднаш поцрвенуваат ако излезат надвор, на сонце, Доктор Менгеле ќе смисли нешто, па ваљда не потроши толку чифути и цигани во експериментите за ништо?!`

Медиумот - `Да внесеме една неочекувана димензија во разговорот. Кој е ваш омилен фудбалски тим?`

А.Шиклгрубер - `Се шегувате? Фудбалот е занимација за простите народни маси, сигурно е измислен од евреите со цел да се оттргне народот од раѓање деца и подигање на зрели и одговорни ариевци. Како млад, кога живеев во Ливерпул кај брат ми уште пред првата војна, ме однесоа на утакмица еднаш ама не беше интересно...`

Медиумот - `Што мислите за новиот бран на екстремна десница која се јавува низ Европа како резултат на сударот на домородните култури со миграциите?

А.Шиклгрубер - `Што да ви кажам, солза на око ми доаѓа од радост кога гледам на телевизија како млади, избричени мажи во големи групи се движат низ Хамбург, Тулуз, Москва или Будимпешта и тепаат припадници на пониските раси. Тоа е знак дека расната свест полека се оформува и дека денот кога светот ќе падне повторно под нашите нозе се наближува!`

Медиумот - `Но, Германија е преплавена од емигранти од пониско расно потекло, што правиме околу тоа?`

А.Шиклгрубер - `Ништо, еврејско-ционистичката предавничка власт која сега седи во Берлин ќе биде жестоко казнета и пратена во логори! Знае Германија, мајчица моја напатена како тоа изгледа, уште во 1919 таканаречената Вајмарска влада ни заби нож во грб. Ништо ново и ништо што нашата татковина не може да го надмине.`

Медиумот - `Како гледате на развојот на фашизмот во другите земји?

А.Шиклгрубер - `Има голем потенцијал во неколку земји, Унгарија како наш традиционален сојузник се чини тргнува на добар пат, во Галиција бројот на плаво население бил во пораст, Лихтенштајн е расно чист а неодамна слушнав за откривањето на нова раса која се карактеризирала со излегување на тераса поради некоја причина, не сфатив за што точно се работи но и онака немам подетални информации, ако знаете нешто за тоа слободно соопштете...кај нас во Нојшвабенланд интернетот е многу спор, знаете...`

Медиумот - `Што имате да им порачате на малите еврејчиња кои во 2039 ќе бидат возрасни и силни Евреи?

А.Шиклгрубер - `Ако еден ден дојдат чичковци во униформи дизајнирани од мојот омилен моден креатор Хуго Бос и ви чукнат на врата, спокојно одете со нив, а откако ќе се симнете од возот и откако ќе ве стават во една просторија без прозорци - не се плашете, тоа се само тушеви...`

Експериментот одненадеж беше прекинат.
Врската со другата димензија беше загубена на одредено време.

Оганче

(By Roger Mortis, 268/148)
Отсекогаш сум сакал долго време да се ѕверам во запалено оганче.
Чувството кое горењето на огнот го буди е недефинирано, но некако убаво, хипнотичко, би рекол дури и магично.
Не зборувам за било каков оган, пожар, горење на запалена гума или бензин, тоа е срање.
Но оганче запалено од собрани суви дрвца кои крцкаат при горењето, тоа целосно го задоволува пироманот во мене.

Не знам дали е тоа поради некаков инстинкт околу огнот кој би морал да биде запишан во генетскиот запис, па затоа и филингот. Можеби пак сето тоа нема никаква врска со записите во спиралниот код и само лупетам, али шта је ту је...како и да е, огнот развеселувал илјадници генерации наши претци па и помогнал човекот да опстане како вид.
Можам да замислам раја, некакво семејство - седнати во пештера во 24.768 година п.н.е како со озарени лица гледаат во оганчето кое им овозможува топлина и светлост.

И други, во некое друго време како припремаат храна за себе, уживајќи во мирисите кои се шират. Како се сушат нивните скромни алишта наводенати од бура. Како се конзервира месо и риба со помош на чад и сол...
Како огнот на средината од живеалиштето ги мотивира оние надарените за прикажување да почнат да раскажуваат за вампири, ѓаоли и сеништа.
Па дури и во скорешно доба, пред пар генерации како раја се радува на оганче на кое се печат костени или компири.

А како што се знае, една од ретките апсолутни вистини во овој дел од мултиверзумот е дека не постои подобро зготвен компир од оној запретан во жар и пепел.
Тоа ме носи до мојата следна опсесија а тоа е компирот како растение, јадно и никакво топчесто кафеаво битие кое е уште едно во низата потценети врсти кои некогаш носеле спас а денес носат радост за непцата, неопеан херој на една епоха кој го започнал својот прекрасен пат од Андите па понатаму низ целиот свет.
Али то је друга прича...друг рант, друг бантер...